Элэгдэл байгуулах

1. Зориулалт

“Элэгдүүлэлт байгуулах” процесс нь санхүүгийн тайлант үеийг хаахаас өмнө хийгддэг процесс юм. Систем тухайн сарын үндсэн хөрөнгийн элэгдлийн зардлыг автоматаар тооцож, хуримтлагдсан элэгдэл болон зардлын журнал үүсгэн, баланс ба орлогын тайланд зөв тусгах нөхцөлийг бүрдүүлнэ. 

Энэ цонхоор хийх ажил 

Хөрөнгийн элэгдлийн графикийг тооцох, сар бүрийн элэгдлийн журнал үүсгэх, элэгдлийн зардлыг баталгаажуулж тайланд оруулах, Хөрөнгийн жагсаалт ба Ерөнхий журналын нийцлийг хянах боломжтой. 

Элэгдлийг 1 өдрөөс 1 жил хүртэлх сонгосон хугацаанд тооцуулах боломжтой. Үндсэн цэс → Хөрөнгө → Элэгдэл байгуулах замаар цонх руу нэвтэрнэ. 

Анхаарах

Онол болон НББОУС-д дурдсан дараах тусгай аргууд нь NextERP систем дээр одоогоор ашиглагдахгүй.

• Элэгдэл тооцох тусгай аргууд:
• Бараа материалын арга
• Хасах ба орлуулах арга
• Бүлгийн ба нийлмэл арга
• Нийлмэл хүүгийн арга
• Холимог буюу хосолсон арга

2. Жагсаалт, цонхны бүтэц ба талбарууд 

Элэгдэл байгуулах жагсаалт дээр сонгосон огнооны интервалд хийгдсэн элэгдлийн гүйлгээнүүд лавлагаагаар харагдана. Тухайн мөрийг нээж төлвийг баталгаажуулах эсвэл буцаах боломжтой. Шинээр гүйлгээ үүсгэхдээ “Шинэ” товчийг дарна. 

Дэлгэрэнгүй цонх нь толгой мэдээлэл болон хөрөнгө элэгдүүлэлтийн мөрийн жагсаалт гэсэн үндсэн хэсгүүдээс бүрдэнэ. 

2.1 Талбарууд 

2.2 Мөрийн талбарууд 

3. Элэгдэл байгуулах процесс 

Та яг одоо элэгдэл байгуулах гэж байвал дараах алхамуудыг дагаад хийгээрэй. Жишээ нь Бүх хөрөнгөө шулуун шугамын аргаар элэгдүүлж байгаа компани 2026 оны 9-р сарын элэгдлийг байгуулах гэж байна гэж бодъё. 

1. Цонх руу нэвтрэх — Үндсэн цэс → Хөрөнгө → Элэгдүүлэлт байгуулах замаар нээнэ. 

2. Толгой мэдээлэл бөглөх — Огноог 2026.09.30 болгон нягталж, тайлбарт “2026.09 тайлант үеийн элэгдэл” гэж оруулна. Системийн автоматаар санал болгосон огноо нь хийх огноотой тохирч буйг заавал шалгана. 

 3. Элэгдүүлэх хөрөнгийн жагсаалт шалгах — Систем тухайн сард элэгдэл тооцогдох хөрөнгүүдийг автоматаар гаргана. “Элэгдүүлэх хоног” багана нь сүүлд элэгдсэн өдрөөс одоогийн огноо хүртэлх хугацааг тооцож харуулна; шулуун шугамын элэгдэл нь энэ хоногт ногдоно. 

Мөрийн хяналт

Хөрөнгийн нэр, ангилал, өртөг, элэгдлийн дүн, хөрөнгийн данс болон хуримтлагдсан элэгдлийн дансыг тулгана. Элэгдэл тооцохгүй хөрөнгийг чекгүй орхих эсвэл “Мөр хасах” үйлдлээр хасна. Дутуу хөрөнгө байвал “Мөр нэмэх” үйлдлээр нэмж болно.

3.1 Дутуу эсвэл бодогдохгүй үед

4. Журнал холбох — Төлвийг “Элэгдүүлэлт байгуулсан” болгосны дараа Журнал хэсгийн бичилтийг нээж шалгана. 

5. Баталгаажуулах — Дт болон Кт талын дүн тэнцсэн, сонгосон хөрөнгө ба огноо зөв эсэхийг баталгаажуулсны дараа гүйлгээг эцэслэнэ. 

4. Журнал, төлөв ба баталгаажуулалт 

Элэгдэл байгуулагдсаны дараа систем тухайн компанийн салбарын сегменттэй элэгдлийн зардал болон хуримтлагдсан элэгдлийн данс руу бичилт үүсгэнэ. 

Баталгаажуулалтын үр дүн

“Элэгдүүлэлт байгуулсан” төлөвт шилжсэний дараа хуримтлагдсан элэгдэл нэмэгдэж, гүйлгээ балансын дансуудтай холбогдоно. Posted болсон гүйлгээг буцаах боломж хязгаарлагдмал тул батлахаас өмнө бүх хяналтыг хийсэн байна.

5. Элэгдлийн аргуудын лавлах

5.1 Шулуун шугамын арга 

Энэ аргаар ашиглалтын хугацааны турш тайлант хугацаа бүрт тэнцүү дүнгээр элэгдэл тооцно. Газрын тохижуулалт, барилга, түрээсийн сайжруулалт, тавилга эд хогшлын элэгдлийн зардалд тохиромжтой. 

Үлдэх өртөг нь ашиглалтын хугацаа дуусахад хөрөнгөөс эргүүлэн ашиглах эсвэл борлуулж болох үнэ цэнэ юм. Анхны өртгөөс үлдэх өртгийг хассан дүнг элэгдүүлэх өртөг гэнэ. 

5.2 Үйл ажиллагааны арга 

Энэ аргаар хөрөнгийн гүйцэтгэх ажлын норм, ашигласан байдлыг харгалзан элэгдэл тооцно: их ашиглавал их, бага ашиглавал бага элэгдэл тооцогдоно. Үйлдвэрийн тоног төхөөрөмж, тооцоолох олшруулах машин, байгалийн нөөцөд тохиромжтой. Техник технологийн хоцрогдолд богино хугацаанд ордог хөрөнгөд тохиромжгүй гэж эх сурвалжид тайлбарласан. 

5.3 Жилүүдийн нийлбэрийн арга 

Энэ арга нь ашиглалтын жилийн жинг ашиглана. Томъёонд n нь үндсэн хөрөнгийн ашиглалтын хугацаа, i нь өмнө нь элэгдэл тооцсон жилийг илэрхийлнэ. Жишээ нь 30 жилийн ашиглалтын хугацаатай хөрөнгийн жилүүдийн нийлбэр 465 буюу (30×31) / 2 байна. 

5.4 Үлдэгдлийг бууруулах арга 

Энэ арга нь шулуун шугамын аргаар тооцсон элэгдлийн хувийг ашиглана. Жишээ нь 5 жилийн ашиглалтын хугацаатай хөрөнгийн шулуун шугамын хувь 20 хувь (100 / 5). Давхар бууруулах бол 20 хувийг 2-оор, 150 хувиар бууруулах бол 1.5-аар үржүүлнэ. 

6. Баталгаажуулах жагсаалт

Анхаарах

Элэгдлийн сар буруу бол тайлан зөрнө. Хөрөнгийн ангилал буруу бол элэгдлийн дүн буруу тооцогдоно. Ашиглалтын хугацаа өөрчлөгдвөл Adjustment хийх шаардлагатай.

6.1 Сар бүрийн хаалтын зөвлөмж 

□  Элэгдэл байгуулахаас өмнө бүх шинэ хөрөнгийн орлого болон хөрөнгийн хөдөлгөөнийг бүртгэсэн эсэхийг шалгана. 

□  Сар бүрийн тайлант үеийн төгсгөлд бүх шаардлагатай хөрөнгийг оруулсан нэг элэгдлийн гүйлгээ үүсгэсэн эсэхийг хянана. 

□  Хөрөнгө актлах, борлуулах, ашиглалтаас хасахын өмнө тухайн гүйлгээний өдрийг хүртэлх элэгдлийг эхэлж байгуулна. 

□  Хөрөнгийн ангилал, ашиглалтын хугацааг санхүүгийн бодлоготой тулгаж, Суурь мэдээлэлд зөв бүртгэсэн байна. 

□  Элэгдэл байгуулсан хөрөнгийг шилжүүлсэн бол шууд элэгдлийг буцаах боломжгүй байж болох тул эхлээд шилжүүлгийн гүйлгээг буцаах шаардлагатай. 

Анхаарах

Огноо, тайлант үе, сонгосон хөрөнгийн жагсаалт, элэгдүүлэх хоног, ангилал, ашиглалтын хугацаа, дансны уялдаа, Дт/Кт тэнцэл, төлөв болон Ерөнхий журнал ба Хөрөнгийн тайлангийн нийцлийг шалгасны дараа л баталгаажуулна.

Дүгнэлт 

Элэгдүүлэлт байгуулах цэс нь хөрөнгийн элэгдлийн зардлыг тооцож, хуримтлагдсан элэгдэл болон санхүүгийн журналтай уялдуулах хаалтын чухал процесс юм. Гүйлгээг батлахаас өмнө огноо, хөрөнгийн мэдээлэл, элэгдлийн дүн ба журналын тэнцлийг бүрэн хянах нь тайлангийн зөв байдлыг хангана. 

Холбоотой хэсгүүд